Word Біз мектепке барамыз


Алғы сөз. Меңгеруші: А.С.Ережепбаева
Тренинг: «Cәлемдесу» Абсалямова Ж.А
Слайд: «Біз мектепке барамыз» Абсалямова Ж.А
Ата-аналарға ситуациялық жағдаяттар.Даниярова Ж.Қ.
«Сіз балаңызды мектепке беруге дайынсыз ба?» сауалнама
«Сүйікті балабақшамдағы жетістіктеріміз» Әдіскер: Балтабаева М.Р.
«Тілек шамы» жаттығуы Даниярова Ж.Қ.
Қорытынды. Әдіскер: Бейсенбекова Р.Т.
Сәлемдесу. Абсалямова Ж.А.
Барысы: Ата – аналар шеңбер жасай тұрады.
1. Сәлемдесу Бір күнгі танысыңа қырық күн сәлем дегендей біз бүгін бір – бірімізбен
 дәстүрден тыс амандасу түрлерін жасаймыз.
1 нұсқа. Алақанымыздың ішін және сыртын тигізіп бір – бірімізге күлімсірей қарайық
2 нұсқа. Бір – бірімізге маңдайларымызды тигізіп сәлемдесеміз.
3 нұсқа. Оң және сол жақ иықтарыңызды тигізіп сәлемдесу. Сәлемдесу кезінде қандай әсерде болдыңыздар? Өмірдегі ең маңызды тіреулеріңіз кім? (Бала , жанұя, отағасы, т.б.)
Баланың мектепке дайындығы
Мектепке алғаш бару бала өміріне үлкен жаңалық, өзгеріс енгізеді, қоғамдағы жаңа орынға бейімделуі мен өсіп-жетілуінің бір бастамасы болады. Демек, «Баланы мектепке даярлау қалай болуы керек?» деген сұрақтың ата-ана үшін маңыз артып, тиісті жауап іздейді. Бұл сұраққа көптеген ата-аналарда екі пікір қалыптасқан: бір ата-аналар алғаш мектеп табалдырығын аттаған күннен бастап данышпан етуді мақсат тұтса, кейбіреулері, керісінше, бала білмей барса,барлығын мектепте үйренуі тиіс деген пікірде. Осы пікірлердің алтын ортасын қалай таңдаймыз? Баланы мектепке физикалық жағынан да, психологиялық жағынан да қалай дайындаймыз?
Бірінші сыныпқа баратын бала жазу-сызуды біліп баруы міндетті емес, оған барлығын мектепте үйретуге міндетті. Алайда, қазіргі заман оқу бағдаралмасының тапсырмаларын ауыртпалықсыз орындау үшін, іс-жүзінде мектеп табалдырығын аттамас бұрын жазу мен оқуды біліп барғаны дұрыс. Балаңыз мектепке бармас бұрын оқу-жазуды білсе — жақсы! Балаға жазу-сызу барысында қарындашты немесе қаламсапты дұрыс ұстап үйретуді ұмытпаңыз. Баланың сөйлеу тілінде кемістіктің болмауы шарт, сөйлеген сөзінің мағынасы өзіне түсінікті болу керек, өзінің ойын жеткізе алуы қажет. Жазып санауымен ғана шектеліп қана қоймай, салыстыра білуді және талдауды, ойлай білуді меңгере алу тиіс. Сонымен қатар, өздігінен қорытынды жасай білсе, көп нәрсені жақсы түсінеді. Көрнекі әрекеттік ойлау қабілеттілігі жоғары бала көрнекі үлгімен жұмыс істегенде, заттардың кейпімен мөлшерін ұйқастырғанда қойылған міндеттерді шешуде тиімді әрекеттердің барлық түрін ұйымдастырып шығарады. Кез-келген ата-ана баланың өсіп жетілуіне, рухани күшті етіп тәрбиелеу жолында алуан түрлі қуаныш пен қиыншылықтарды бастарынан өткізе отырып, оның рухани және ақыл ойы мен дене құрылысы жағынан жан-жақты дамуына баулуы керек.
Баланың мектепке дайын болу жағдайы бірнеше түрге бөлінеді:1. Дене бітімінің дайындығы — баланың салмағы мен бойының өз жасына сай болуымен қатар он екі мүшесі сау болуы керек;2. Зиятының дайындығы — баланың ой-өрісінің, есте сақтау қабілетінің, тілінің, зейінінің, өз еркімен тапсырма орындай алуының, мақсат қоя білуінің, қателігін түсіне білу қабілеттілігінің өз жасына сай болуы;3. Әлеуметтік-психологиялық дайындық — баланың жаңа ортаға деген көз-қарасының, оқушы жауапкершілігінің, өзін-өзі ұстай білуінің, үлкен кіші адамдармен қарым-қатынасының өз жасына, мектептердің талабына сай болуы;4. Ерік аясының дайындығы — баланың өз іс-әрекетін мақсатты түрде қалыптастырып, өз кемшіліктері мен жетістіктерін дұрыс қабылдап, әрекет ете білуі;
Әлеуметтік-психологиялық дайындықБаланы мектепке дайындау дегенде көптеген ата-аналар әріптерді танумен, сандарды санаумен ғана шектеліп жатады. Одан басқа, баланыңмектепке қажетті құрал-саймандары мен киім-кешектеріне баса назар аударады. Әрине, бұл дайындықтарсыз баланың мектепке дайын болуы екіталай. Бірақ баланың оқуға дайындығын ақыл-ойының даярлығымен, материалдық дайындығымен шектеліп қоймай, оны оқуға психологиялық жағынан даярлауды қарастыру қажет. Баланың психикалық үрдістерінің дамуы оқуда және басқа адамдармен қарым-қатынас орнатуда қиындыққа кезікпеуіне м үмкіндік береді.
Мектеп табалдырығын жаңа аттаған бала.
Мектепке келген бала «оқимын» деген ниетпен мектеп табалдырығын аттайды. Бірақ, кейде бала оқуға барғысы келмейді, дегенмен оның себебі әр түрлі болады: бір балалар мектепте көп бала бар және онда көңілді десе, біреуі партаға отырғысы келгендіктен баруы мүмкін. Алайда, мұндай ықыласпен келген балалар біраз уақыттан кейін мектептің олар үшін қатал тәртібіне және күнделікті оқу сабақтарына шыдай алмайды. Жалпы, бала оқу үрдісіне қызығуы қажет. Сонда ғана баланың таным қызығушылықтарының дамуына, жаңа білім алуына мүмкіндік туады. Сонымен бірге баланың мұғалімдермен, балалармен қарым-қатынас жасауы аса маңызды. Яғни, оқу әрекеті ұжымдық сипат болғандықтан, әрбір бала құрдастарымен қарым-қатынас жасай алуға, бірге жұмыс істеуге дағдылануы керек.
Баланың шешім қабылдай алып, мақсат қоя білуі ерік-жігерінің даярлығы болып саналады. Баланың әркеттерді жоспарлап, олардың орындалуын жүзеге асыруда күш пен бойындағы қабілеттерін жұмсай білуі, қиындықтарды жеңе білуі балалардың психикалық үрдістерінің қалыптасуына ықпалын тигізеді. Егер балалардың оқуға дайындығы осы бағыттармен ұштасып жатса, бала оқуға тез бейімделіп, жақсы оқып кетуіне мүмкіндік туғызады.
Мектепке дейінгі балалардың негізгі іс-әрекеті ойын болғандықтан, оларға бірден оқу әрекетіне ауысу біршама қиындықтар туғызады. Мектеп табалдырығын алғаш аттаған бала педагогтармен және балалармен кезіккенде мазаланады, оқу үрдісінен өзінде жағымсыз эмоциялық сезіну пайда болып, қорқыныш пайда болады. Сондықтан балалардың көңіл күйі болмай, себепсізден жиі ауыруы «мектеп неврозы» сипатында көрінеді. Яғни мектепті еске алса болғаны, жылап, уайымдайды. Сөйтіп, мектеп бала үшін стресс тудыратын факторға (стрессогендік фактор) айналып, денсаулығының нашарлануына әкеп соғады. Осы кезде әрбір ата-ана өзінің баласына мектеп туралы қажетті мағлұматтар айтып, баланың мектепке деген жағымды қатынас және сенімділік сезімін қалыптастыра отырып тәрбиелеу керек. Ең бастысы — баланы жолдастарымен қарым-қатынас жасай алуға, басқа балалардың ойымен санасуға үйрету.
Балаларды мектепке психикалық даярлау бағыттарын тәжірибеде жүзеген асыратындар — ата-аналар, мұғалімдер, бала-бақша психологтары. Психологтың міндеті: психодиагностиканың әдістемелерін қолдану арқылы және зерттеу нәтижелеріне сүйеніп, алты жастағы баланың оқуға дайындығын анықтау.
Ситуациялық жағдай Даниярова Ж.Қ.
Ересектер тобына келіп жүрген 5 жастағы Олжасты ешнәрсе қызықтырмайды. Ұйымдастырылған оқу іс-әрекетінде тәрбиеші Олжасқа ерекше көңіл бөліп, тапсырмалар беріп, ойын әрекетімен қызықтыруға тырысады. Бірақ Олжас не топ балаларын, не тәрбиешінің ескертулеріне ешқандай құлақ аспайды, өзі жалғыз жүреді. Тәрбиеші баланың ата-анасымен де сөйлесті, «Олжас үйдегі жалғыз бала, ол ерке өскен, баланы дұрыстап мектепке даярлаңыз, сіз сабақ жүргізбейтін шығарсыз»-деп тәрбиешіге күмәнмен қарады. - Олжастың мұндай әрекетінің себебін түсіндіріңіз?-Сіз не істер едіңіз?
«Балаңыз мектептен шағым айтып келді. Мұғалім ұрысқанын, енді сабаққа барғысы келмейтінін айтты. Сіз қандай әрекет етесіз?»
«Марат сабаққа дайындықсыз келді. Мұғалім сабақ түсіндіріп жатты.
Марат сабақты да тыңдамады.
Онымен қоса жанындағы оқушыларға да тыныштық бермеді.
Мұғалім ескертулер берсе де қорытынды шығармады. Мұғалім оқушының
сыныптан шығып кетуін талап етті.
Марат үйге келіп шағым айтты.
Ата – анасы әй – шәйға қарамай, директорға кіріп айқай шығарды.
Ата – ананың бұл әркеті дұрыс па? Сіз қандай әрекет етер едіңіз?»
Анкета Даниярова Ж.Қ., Абсалямова Ж.А.
Балалар өте тез өсіп ер жетеді. Міне, сіздің кешегі сәбиіңіз енді ер жетті, жақында мектепке барады. Көптеген ата-аналар баласының мектепке баруына байланысты қорқыныштарын білдіреді.сондықтан қазір біз сіздерден «Сіз балаңызды мектепке беруге дайынсыз ба?» атты сауалнамасын ұсынамыз.
«Тілек шамы» Даниярова Ж.Қ.
Бүгінгі дөңгелек үстелді ұйымдастырудағы басты мақсатымыз баланың мектепке барудағы психологиялық дайындылығының маңыздылығын атап көрсету. Баланың мектептегі жаңа өмірге тез бейімделуінде отбасы мүшелерінің де маңызы зор. «Отбасы» - ұшқан ұя, жылулықтың, жылылықтың мекені. Отбасы атауының мәніне терең үңілер болсақ, оттың да үлкен маңызы бар екенін сеземіз. Сондықтан қазір «Тілек шамы» жаттығуын бір-бірімізге жылы лебіздерімізді, ақ тілектерімізді айта отырып жүргіземіз.

Приложенные файлы

Добавить комментарий