Мероприятие Аваразул бах1арчи — гьидерил Хочбар


МКОУ «Ирганайская СОШ»
Литературияб композиция
«Хочбар».
Класс: 11 а
Учительница: Джаватханова А.А.
Автор
Рихьуни гьоркъохъеб школалъул ц1алдохъабаз бихьизабизе буго «Хочбар» абураб литературияб композиция.
Г1ахьалчаг1и:
Автор – Мух1амадова Пат1имат
Хундерил Нуцал –Х1ожолмух1амадов Мух1амад
Хочбар – Г1абдулвагьабов Мух1амад
Хочбарил эбел – Мах1мудова ЖамиляАвтор
Ч1ух1арав ханасул хабар бергьана,
Гьидерил Хочобар Хунзахъе ах1ун.
Хундерил Нуцалил нукар вегьана,
Гьидерил багьадур «берталъе» ах1ун.
Хочбар :Дир хирияй эбел, мун ургъун йихье,
Ун лъик1дай Хунзахъе, ханзабазухъе?
Ва росу-жамаг1ат, гьал г1акъилзаби,
Цо г1акълу кье дие, кьалда бергьунеб.
Эбел:
Боржуге эбелхвад, ханзабаздаго,
Хунзахъ-нахъеялъул нух кквезе гурин!
Унге, ле Хочобар, т1адмаг1арухъе,
Ханасул къавулаз къор гъезе гурин.
ХочбарВаллагь инеев, эбел, дун ах1аралъув,
Хинкъулилан ккела дун гьев ханасда.
Таллагь вахина дун, вацал. ХунзахъеНуцалчи ватани, чарлъуге абе!
Эбел
Гьидалъ улкаялъул саламги бицун,
Дуца абе, дир вас, Нуцал-ханасда:
Аварг1урухъ г1инбан, г1одоб биччарабГ1анч1аб нилъер улка эркенго теян;
Г1урул чвахиялде рохел чучарабРохалил жамаг1ат жах1абго теян..Автор:
Эбел-хъизаналъе къо лъик1ги гьабун,
Къват1иве лъугьана гьидерил лачен,
Гьидерил васазул квералги росун,
Сапаралъ вахъана бодул цевехъан.
Хочбар:
Ассалам г1алайкум, хундерил Нуцал,
Нуцалил улка-ракь, росу-жамаг1ат!
Нуцал:
Ваг1алайкум салам, гьидерил Хочбар,
Гьидерил бицине, вач1а цевег1ан.
Автор:
Къавул гьаби г1адин, нахъасан реч1ч1ун
Нукарзабаз нахъе кверал рухьана.
Ракъарал бац1аца къан сверунги ккун,
Къвак1ан гьасул бохдул маххаца ккуна.
Нуцал:
Хъощгелди, багьадур, вегьаравго лъик1!
Вугьун холев вугин, хинлъизе вилълъа!
Мун г1адав веццула дица цевехъан,
Цадахъ бо гьеч1ого, мунго вач1унев!
Азарго баркала улка-ракьалъе,
Дие сайигъатгун салам бит1араб.
Нуж г1адал рокьила кьалул дандиял,
Кьал кодосел бут1рул кверде рит1улел.
Хочбар:
Гьай-гьай, вегьарав дун, ах1ун вугелъул,
Амма, Нуцал, дуда царал мах1 буго!
Чанги боялгунги вач1ун вук1анин,
Мун щай ч1ух1дарулев, х1иллаяв Нуцал.
Мун чи гуревлъини, лъалебан дида,
Лъан бук1а халкъалда Хочбарил къиса!
Ханасда божунни, бухьинч1еб сапар,
Бицаде бук1аха к1иябго бодуй!
Нуцал:
Мун дир хъат1икь буго, хъумуралъул т1инч1,
Дица ц1ан дудаса ц1око бахъила!
Ханасде г1асияв, г1ачияда вехь,
Дица дур рукьбузул мух1ур гьабила!
ХочбарДун, щиб бицаниги, цох1о чи вуго.
Амма х1елиларо х1алихьатав дуй!
Х1иллаялъ восарав цо асир вуго,
Анищ ккун жо теч1о, бокьараб бахъа!
Нуцал:
Ах1е, ле Хочобар, жергъен кьабун кеч1,
Жергъен кьабун коч1ой ц1акъав раг1улин.
Къире, ле Хочобар, гьадил чагъана,
Чагъана хъвазе мун лъик1ав раг1улин.
ХочбарВаллагьи ах1илеб, жергъен кьабун, кеч1,
Жергъада к1ут1изе кверал ричани.
Таллагьи къирилеб гьадил чагъана,
Чагъана т1ад лъезе х1ат1ал ричани.
Автор:
Ричейилан абун, т1инал лъугьана.
Вай ричугейилан, к1удал лъугьана.
Кинниги гьит1инал т1аса рич1ич1о,
Вичун виччан тана гьидерил Хочбар.
Хочбар:
Г1енекке, ханзаби ва гьал нуцаби!
Хабар-бакъан бугин нужей бицине:
Дун гьидерил улка эркен гьабурав,
Боязул цевехъан, ц1ар арав Хочбар.
Ханзабазде данде хвалчен бахъарав,
Бергьенлъи босарав багьадур вуго!
Дур хъант1араб квералъ хъамал гьабурабХалкъалъ дир къисаби къойил ц1алила.
Дур т1урарал гьабзаз пасат гьаруралРосабаз дир бицен чанги бицина.
Дица гурищ, Нуцал, мискинзабазулБиги боц1и-малги ц1унун бук1араб!
Дир хвалчаца гурищ ханасул бодулБергьарал ч1ух1ухъай ч1аран рук1арал!
Ц1акъаб жойищ, Нуцал макруги гьабун,
Мугъалда нахъасан бидулаб хъат бай?
Бах1арчилъи гуро, ах1унги вачун,
Чу-ярагъги бахъун, багьадур вух1и.
Автор
Валагьун гьимула пасатав Нуцал.
Цере-цере къала Нуцалил васал.
Берал къапилалде, къвалакь гьелги ккун.
Къвек1аб ц1умалъул т1инч1 ц1адаб к1анц1ана.
Ц1а сверун рук1арал гьал нукарзаби,
Кара биххун, хадур ралагьун ч1ана.

Приложенные файлы


Добавить комментарий